काठमाडौं । जेनजी सहिद स्मृति दिवसका अवसरमा काठमाडौंमा आयोजित कार्यक्रममा पुगेका जेनजी आन्दोलनका घाइते पवन खड्कालाई प्रहरीले नियन्त्रणमा लिएको छ ।
जेनजी आन्दोलनका क्रममा जलाइएको पुरानो संसद् भवनमा आयोजित कार्यक्रममा खड्का जेनजीहरूको पक्षमा बोलिरहेका थिए । सो क्रममा सहभागीहरूले हुटिङ गरेपछि उनले आफूलाई बोल्न दिनुपर्ने भन्दै आग्रह गरेका थिए ।
त्यसपछि कार्यक्रममा सहभागी जेनजीहरूको एक समूहले खड्कामाथि दुर्व्यवहार गरेको र प्रहरीले उनलाई कार्यक्रमस्थलबाट नियन्त्रणमा लिएको जनाइएको छ ।
घटनाबारे प्रहरीले भने औपचारिक धारणा सार्वजनिक गरिसकेको छैन ।
सम्बन्धित समाचार
