ललितपुर, चैत्र २८ – नेपाल क्योकुशिन काइकान सोनोडा कराते संघ अन्तर्गत ठेचो उप-डोजोको एक विशेष समारोहका बीच भव्य समुद्घाटन सम्पन्न भएको छ। ललितपुरको गोदावरी-१२, ठेचोमा आयोजित उक्त कार्यक्रममा डोजोको नयाँ भवन उद्घाटनसँगै खेलाडिहरूको ‘ग्रेडिङ’ (बेल्ट टेस्ट) समेत लिइएको थियो।
कार्यक्रमको समुद्घाटन प्रमुख अतिथि सिहान ज्ञानी रत्न शाक्यले रिबन काटेर गर्नुभएको थियो। सो अवसरमा मार्सल आर्ट्सका विभिन्न प्रदर्शनी र उत्सव मनाइएको थियो।
डोजोका विभिन्न तहका खेलाडिहरूले आफ्नो कला र अनुशासन प्रदर्शन गर्दै नयाँ बेल्ट प्राप्त गर्न सफल भएका छन्। जस अन्तर्गत ब्राउन बेल्ट: ३ जना ग्रीन बेल्ट: २ जना यल्लो बेल्ट: ६ जना ब्लु बेल्ट: ६ जना ओरेन्ज बेल्ट: १४ जनाले प्राप्त गरेका छन्।
कार्यक्रमलाई सम्बोधन गर्दै सिहान ज्ञानी रत्न शाक्यले खेलकुदले शारीरिक स्वास्थ्य मात्र नभई मानसिक अनुशासन र राष्ट्रप्रतिको जिम्मेवारी पनि सिकाउने बताउनुभयो। ठेचो क्षेत्रमा मार्सल आर्ट्सको विकासका लागि यो डोजोले महत्वपूर्ण भूमिका खेल्ने विश्वास व्यक्त गरिएको छ।
कार्यक्रममा सिहान बिक्रम महर्जन सेनसेई अस्मिन के सी सेम्पाई तथा डोजोका अध्यक्ष यज्ञराज गिरी स्थानीय खेलप्रेमी, अभिभावक र करातेका अन्य वरिष्ठ व्यक्तित्वहरूको बाक्लो उपस्थिति रहेको थियो।
सम्बन्धित समाचार
